Python Basic — dars rejalari (21 sahifa)

Yigirma bir sahifa: muhit-sozlash (0-dars) va 20 dars. Tuzilma bir xil bo’lgani uchun bu sahifada yigirmata jadval yozilmaydi — avval umumiy tuzilma, keyin har dars uchun urg’u, qarshilik va tayyorgarlik.

▲0-dars — ikki soat, 45 daqiqa emas

VS Code sozlash darsida 25 o’quvchining 25 xil kompyuteri bor. Bir soatga sig’dirishga urinsangiz, yarim sinf sozlanmagan holda qoladi va keyingi darslarda ular ishlay olmaydi. Muammolar jadvalini darsdan bir kun oldin o’qib chiqing.

Umumiy tuzilma — 45 daqiqa

Vaqt	Bosqich	Nima bo’ladi
0–4	Kirish	<Hayotda> blokini o’qituvchi o’qiydi. Bitta savol: «sizda shunday bo’lganmi?»
4–7	Maqsad	Uch ko’nikma doskaga yoziladi. Dars oxirida shu uchtaga qaytiladi
7–18	Nazariya	Bo’limlarni ketma-ket o’qish EMAS. O’qituvchi asosiy g’oyani aytadi, kod bloklarini o’quvchilar o’zlari terib ko’radi
18–25	Bashorat	Majburiy. <KodBashorat> — har o’quvchi natijani daftariga YOZADI, keyin ovoz berish, keyingina ochiladi
25–34	Simulyator	Individual yoki juftlikda, ← → bilan qadamlab
34–39	Xatoni toping	<Xato> bloki. Avval o’zlari topadi, keyin sabab ochiladi
39–43	Sinov	<Sinov> savollari og’zaki, tez
43–45	Topshiriq	<Qatlam> dan mos daraja tanlanadi va uy vazifasi aytiladi

◆Asosiy g'oya

Vaqt taqsimotidagi eng katta xato — bashoratni tashlab ketish. «Bashorat qiling» bloki darslikning asosiy o’quv mexanizmi: bashorat bilan natija farq qilgan joyda o’rganish sodir bo’ladi. Simulyatorni qisqartirish mumkin, bashoratni esa yo’q.

0-dars — 2 soat

Vaqt	Bosqich
0–10	Nega VS Code: bir necha fayl, debugger, terminal bir joyda
10–35	Python o’rnatish. Add Python to PATH katagi — ekranga chiqarib ko’rsatiladi
35–50	VS Code o’rnatish va Python kengaytmasi (.vsix zaxirada bo’lsin)
50–65	Papka ochish (File → Open Folder), nomlash qoidalari
65–75	Interpretator tanlash: Ctrl+Shift+P → Python: Select Interpreter
75–90	Birinchi programma, Run tugmasi, terminal
90–105	Terminal: python salom.py qo’lda ishga tushirish
105–120	Debugger: F5, breakpoint, Variables, F10. 17-darsda qayta ishlatiladi

Tanaffus 60-daqiqada. O’rnatish paytida navbatga tushgan o’quvchilarga fayl nomlash qoidalarini o’qish topshirig’i beriladi.

---

Har dars uchun

1-blok · Mashina buyruqni qanday tushunadi

Dars	Urg’u	Sinfda chiqadigan qarshilik	Tayyorgarlik
1 Interpretator	«Kompyuter siz yozganingizni bajaradi»	«Men shunday demoqchi edim» — aynan shu gap darsning mavzusi	—
2 O’zgaruvchi — yorliq	a = b nusxa OLMAYDI	«Lekin sonlar o’zgarmadi-ku» — to’g’ri, 9-darsda qaytamiz	id() ni proyektorda ko’rsating
3 Turlar	// va % amaliy ma’nosi	«Nega / kasr beradi?» — pulni bo’lishda ikkalasi kerak	—
4 Kirish/chiqish	input() har doim satr	«Men son kiritdim-ku» — type() bilan ko’rsating	Bu dars 17-darsdagi TypeError bilan bog’lanadi

2-blok · Qarorlar va takrorlash

Dars	Urg’u	Sinfda chiqadigan qarshilik	Tayyorgarlik
5 if/elif	elif tartibi natijani o’zgartiradi	«Ikkalasi ham to’g’ri-ku» — 95 ballni sinab ko’rsating	Baho qo’yish misolini doskaga chizing
6 while	Siklning uch qismi	Cheksiz sikl — Ctrl+C ni oldindan o’rgatib qo’ying	Terminalda Ctrl+C ni ko’rsating
7 for/range	To’rt naqsh, range(5) da 5 yo’q	«Bittaga adashish» — chegarani doskada sanang	—
8 Ichma-ich sikl	Qadamlar ko’paytiriladi	«Sekin ishlayapti» — bu dars aynan shu haqda	—

3-blok · Ma’lumotni saqlash

Dars	Urg’u	Sinfda chiqadigan qarshilik	Tayyorgarlik
9 Ro’yxat, aliasing	Modulning eng og’ir darsi. b = a ikkinchi yorliq	«Men nusxa oldim-ku» — id() bilan isbot	Bu darsga vaqtni siqmang. Kerak bo’lsa Sinov qismini qisqartiring
10 Satr — o’zgarmas	Yangisi yasaladi, o’zgartirilmaydi	«Nega ro’yxatda mumkin, satrda yo’q?» — mutable/immutable	—
11 Lug’at	Hash tufayli bir qadam	«Ro’yxat ham ishlaydi-ku» — qadamlar sonini solishtiring	—
12 Ichma-ich tuzilma	Har qavat bitta savolga javob beradi	Uzun murojaatda chalkashish — print(type(...)) odati	—

4-blok · O’z buyruqlaringizni yasash

Dars	Urg’u	Sinfda chiqadigan qarshilik	Tayyorgarlik
13 Funksiya	return ≠ print	«Ekranda chiqdi-ku» — simulyatorning 3-qadamini ko’rsating	Bu darsni shoshmasdan o’tkazing
14 Qamrov, stek	Har chaqiruv o’z xonasi	«Nega tashqi x o’zgarmadi?» — «Qamrov» varianti	CF 9-darsni eslatib o’ting
15 Rekursiya	Bazaviy holat + kichrayish	«Bu sikl bilan osonroq» — to’g’ri, va bu ham javob	«Bazasiz» variantini albatta ko’rsating
16 Modul, import	Skript papkasi kutubxonadan oldin	«Kodim nega ishlamayapti?» — random.py bo’lishi mumkin	Papkada random.py yasab ko’rsating

5-blok · Haqiqiy programma

Dars	Urg’u	Sinfda chiqadigan qarshilik	Tayyorgarlik
17 Xatoni topish	Traceback pastdan yuqoriga	«Bu tushunarsiz» — bir marta to’g’ri tartibda o’qib bering	Debugger’ni proyektorda ishlatib ko’rsating
18 Fayl va CSV	Bo’sh qator ko’rinmaydi	«Kodim to’g’ri-ku» — faylni oxiriga Enter bosib ko’rsating	baholar.csv faylini oldindan tayyorlang
19 Testlash	Testning soni emas, qaysi holat	«Testim o’tdi» — buzuq versiyani sinang	—
20 Capstone + AI	AI kod yozadi, o’quvchi tekshiradi	«19 dars taqiqlangan edi-ku» — tartib o’zgardi, sababini tushuntiring	Capstone muddatini oldindan e’lon qiling

---

Baholash

Blok testlari (blok-N-test) o’z-o’zini tekshirish uchun — javob darhol ochiladi. Baholanadigan variant Google Forms sahifasida.

Yakuniy loyiha uch qatlamda baholanadi. Mezonlar: Qatlam topshiriqlari javoblari.

Bog’liq sahifalar

• Muhit muammolari jadvali — 0-dars uchun majburiy
• Kutilgan xatolar — har darsda nima adashadi va qanday tushuntirish
• Qatlam topshiriqlari javoblari
• Google Forms uchun test matnlari